Hormat Kepada Ayam Hidam
总队员有...
（前排左起）
青人，校花，V仔瘦，老冯，我
（后排左起）
问号，鸡爷(Tuan Ayam Hitam)，火柴头
戴住顶帽個条黑柴唔係粉友，亦都唔係友族朋友！
对唔住，佢係差人（大马警察（Mata）！！
有佢响我哋身边，上厕所都会顺畅啲～
有咗佢，就可以维护世界和平...
都希望你可以做個正义嘅警察，
打击罪恶发生，保护市民生命财产为宗旨。
我真係唔想再见到报章上嘅一切罪案发生，
因为人类嘅悲伤感係有限度嘅，
因为人类嘅眼泪不是为此而流嘅，
因为报章係唔应该报忧不报喜嘅...
—愿世界人类和平相处—
V-Mon の 传说中嘅 B.Friend
正所谓闻名不如见面...
此男身高六尺接七，双臂遒劲有力...
五官端正，身材飙青，
呼吸神秘，马步平稳，男人中嘅极品...
乳名_双K_
男人周街都係，
但好嘅男人唔易揾到...
因为我好少出街...XD
揾到係你嘅福份，要珍惜...
但如果你揾唔到嘅话...
无须惊恐，亦无须彷徨...
上天早有定数...
安排咗一坡草在你身边望住你，只係你仲未低头望见啫...
我与V仔瘦
我哋都认识咗唔知有几耐...？
我亦都唔知係点样认识嘅...？
唔会话好熟，但感觉上又好似识咗好耐咁...？
佢好似有种魔力咁，去到边都会受万人爱戴，形成焦点，
我睇得出佢份人好真，好有才华，
尤其是嗰個艺术天分仲好高添！
我仲睇得出佢份人好有爱心，做朋友真係一流...
个样笑起嚟仲有啲似舒淇添...不得了啦...
但...
点解会出现响我嘅生命当中咧又...？
佢究竟有乜阴谋咧...？
佢究竟係边个咧...？
佢就係...
...V-Mon...
～柠檬拉面～
丷～终于轮到到我俩登场啦～丷
佢係我最欣赏嘅女仔，尤其係佢嘅笑容...(哦屎...有啲晕浪添...)
佢係个好理智但有时又变得好似有啲弱智嘅小朋友...
～因为佢好中意笑～
人靓都唔再讲，仲要係外国大学生添...
真係聪明的，让我感动的...
呢张照係我同佢认识咗大概三年几嘅第一次合照，
第一次零距离接触，第一次心跳麻痹，
第一次咁开心～，第一次咁笑得咁“良柄”...
虽然有啲朦，就如梦般浮现似...
但回味无穷，就如滔滔江水，连绵不绝...
烫呗与老冯
江湖传闻...烫呗与老冯好似响小学就经已认识至今！
所以双方其实都已经熟到烂芒果咁嘅境界咖喇，
而报纸杂志亦爆料话，双方儿时亦传出过绯闻，
情形轰动一时，连续几周热门话题...
所以话...感性小王子并唔係浪得虚名咖！
眼看此照男方强而有力嘅左臂，
完全唔理别人嘅眼光，唔理别人嘅嘲笑，
狠狠地，毫无怜悯地，将左臂一伸，
伸落去一个雪白无暇嘅玉臂道...
睇见双方嘅得戚样...
真係想食煲热辣辣嘅肉骨茶啊...
<-辉少，颜姐->
辉少花名：Fia，烫呗，火柴头，肥佬，香鸡，拿督公，感性小王子等等...
颜姐花名：Mia，眯眼，肥婆，屎眼，美雅，米老鼠，排毒美颜宝等等...
双方感情复杂，你睇男方影相时笑得尴尬嘅人样就知啦，
双方亦都保持住知己好友嘅关系，义字行头！
冇话不谈，百毒不侵。。。
但响好耐好耐以前，佢地本来係咁样嘅，
但后来唔知点解会变咗咁样...咳...
总言之...说来话长呀！祝你地好运啦！！
各位观众
佢哋就係...
《烦到死伙》
～久后重逢姊妹花～
据说小学一齐搭巴士，一齐读书，一齐玩，一齐...?!
缘分真係奇妙...
我就简单嚟分析一下啦...
佢哋相识在先，
之后大家分开咗，
再之后我识咗右边个两个，
又再之后我识咗左边嗰一个，
最后我在介绍返右边个两个俾左边嗰一个认识，
原来大家一早已经相识，
但已经数年冇联络过...
所以有缘人讲, 呢个世界真係细...
冇缘人就会讲，人海茫茫，寻人启示吧啦...
除咗影相我唸唔到其它方法嚟到表达我心目中兴奋同埋对你哋嘅仰慕...
所以我要用我嘅手指记下呢一刻...
有得食有得饮仲有得唱，又唔驶俾钱，去边道揾啊...?!益晒你班友仔啦！
仲有荧幕播放机，屋主真係唔话得啦！
年初二聚会
时间：27/01/09 （大年初二）
入席：8.00pm
开席：9.00pm
地点：我屋企
形式：大集水，唱K，开赌，
被人影，吹水，食嘢，饮嘢，玩嘢等等...
出席人数：无限
“唔好食麻麻档”最高出席录
记得好似有廿几个异姓兄弟，
霸咗人哋一条街，六张台，廿几张凳，
吵咗条街两粒钟几，只係嗌咗几杯MILO雪嚟饮啫，
完全冇冇嗌到嘢嚟食...
简单嚟讲，即係有几许青少年只係嚟陪坐咖啫...
几件蛋散，咁都好影...唯有应酬吓咯...
睇完戏冇几耐，响电梯道影嘅...(我记得好似係睇《变形金刚》...）
成版豆记响架电梯道影相，好似好得意咁样，
亦都冇唸到当时各位嘅重量，危机重重，四面楚歌，
如有不测，大家齐齐上报纸喇...
当时我揸机，成班友响架电梯道煞熟狗头咁对住我笑，
只因我嘅一只手指...
将如此美好嘅回忆与画面流芳百世～
大家要多谢我都嚟唔切...XD
其实唔止呢两三只小猫，仲有好多朋友一齐睇戏嘅，
不过佢地话夜咯，走先咯，咁喔...
当时我响道唸...佢地唔知乜心态...
咁难得净一大班猪朋狗友出嚟聚旧...
招呼都尚未打到，就拍拍个“罗佑”走人...
可能佢地纯粹係出嚟睇戏咖啫，又唔怪得佢地嘅。
～希望以后有乜电影大制作，都可以好似咁一大班去观摩～
老冯-大疆-燕姐由于一次嘅风暴...
将其三位金兰姐妹吹的各散东西...
我啲大家曾经一齐到处游山玩水，疯狂购物，开山劈地，把酒/汽水狂欢...
但...
好景不长，你有你搵食，佢有佢追梦...
一个一个跟住走，仿佛就好似老人院咁...
祝你啲好运啦！！
我相信我啲仲会再疯狂多一次！！
拉面与老冯—斗眼大记—当晚饮友人嘅堂姐嘅喜宴，由于老冯无聊冇嘢做话要同我搵啲嘢嚟斗。。。
我就话都鼻毛多，结果我输咗，之后佢又话我眼细，再嚟一个斗眼大！！
结果大家有目共睹，胜负已分...
而且亦都係我人生当中眼撑得最大嘅一次...—自豪不己—('~')
《利物浦》大战《皇马》A+年前嘅照片
我地都忠意足球，但又唔係好叻踢波...
球员有芦苇对拉面，感觉有啲想呕...
善良无私嘅巨蟹座大战高傲自信嘅战狮子座
摄影当时心中有万分嘅罪恶感！！
但我本人最佩服嘅就係当时嘅摄影师！！
佢係全场唯一最镇定嘅人—菲女—
当年
。。。佢忠意奥温，我忠意罗纳多。。。
虽然我地都着住唔同嘅球衣，
但我地嘅心始终都係属于红魔—曼联—嘅！！
...时光已逝，照片仍在...
怀缅求学啲风光史迹
